پیٹ کی چربی جمع ہو جانے کا نتیجہ "توند” کی صورت میں نکلتا ہے، اس کا خطرناک ترین پہلو یہ ہے کہ یہ جسم کے اندرونی اعضا مثلا جگر، پتّے اور گردے کو لپیٹ میں لے سکتی ہے۔
اس حوالے سے ہربلسٹ ڈاکٹر ام راحیل کے تجویز کردہ سستے اور آسان نسخے کو استعمال کرکے توند سے چھٹکارہ حاصل کیا جاسکتا ہے۔
اے آر وائی نیوز کے پروگرام گڈ مارننگ پاکستان میں ڈاکٹر ام راحیل نے نسخہ بنانے کی ترکیب بتاتے ہوئے کہا کہ یہ نسخہ صرف سات دن استعمال کریں گے تو آپ کے بڑھے ہوئے پیٹ میں نمایاں کمی سامنے آئے گی۔
اس کو بنانے کا طریقہ یہ ہے کہ ایک گلاس پانی میں آدھا کھیرا چھلکے سمیت کاٹ کر ڈالنا ہے، اس کے بعد ادرک ک ادو انچ کا ٹکڑا چٹکی بھر اجوائن اور ایک چھوٹی پیالی ہرا دھنیا دھو کے اس میں شامل کردیں۔
اس کے بعد ان تمام اشیاء کو بلینڈ کرکے اس میں ایک لیموں کا رس نچوڑ دیں، ذائقے کیلیے تھوڑا سا شہد اور کالا نمک ڈال سکتے ہیں۔ آپ کا نسخہ تیار ہے اسے سات دن تک رات کو سونے سے پہلے پینا ہے اور صبح نہار منہ بالکل بھی نہیں پینا، سات روز بعد آپ کی توند غائب ہوجائے گی۔
اس کے علاوہ توند سے نجات حاصل کرنے کا ایک مشہور طریقہ پتوں والی سبزیوں، اناج، میوہ جات اور پھلیوں کا بکثرت استعمال بھی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
